EL BESO DE LA MAREA

¿Y el pescadu? Como estamos
aqui á la llengua del agua,
lu tenemos á porrillu,
fresco como el sol del alba,
q´esto ye comer pescadu,
lo demás ye patarata.
¡Oh! como en Madril lu vieren!
Voto y ño á tal! que plásmaran.

Aca hai salmon como cuchu
en Rivadesella y Pravia,
que sangra de puru frescu
pe la boca y pe la galla.
Hay pescades como borra,
xardón á taca reteca,
cóngrios á trompa talega,
besugos á farta farta,
meros á tente bonete,
aguyes á vati barra,
morenes á zurriburri,
sardina á vela y dexala
las mielgues á balagares,
cazón y xardes sin tasa,
les rayes á goxa llena,
barbos á pala cargada,
y otru sin fin de pescadu,
que non sé como se llama,

que á non ser que los arieros,
(esos de braga atacada)
acuden acá por ello
com ´utres á la carnada,
para llevalo á Castía,
a Riosecu y Villada,
bien pudiéramos estrar
con pescadu la corrada,
les llangostes y llocantos,
centollos y ñocles, fasta
empapizamos con elles.
Ora tras de cualquier llastra
berverichos y percebes;
en cualquier pedreru ó playa,
morciones y alcarcinos,
de vígaros muncha castra,
llámpares, ostres y almexes;
y para pescar con caña,
con ñasa, refuelle ó rede,
con traina ó con tarrafa,
hay llovina de á dos tercies,
anguila de más de á vara,
como bárganos llamprees,
y truches como una estaca;
soyes como la solera
de una panera mediana;
munchos más pescados hai,
cuntálos ye cuenta llarga.

("Riqueza asturiana" -Fragmento-)

Ven más cedo q´antiyer,
galán, si vas p ál esfueyu;
ñon lo dexes pa tan tarde
que topes co´ l´esperteyu.

En Candás hay bones moces,
en Avilés la flor d´elles,
en Luanco mielgues curades
y en Xixón paraxismeres.

Vengo de San Llorienzo de la tierra,
voy para San Llorienzo de la mar;
engudeyéme, más enguedeyéme,
nunca me pude desengudeyar.

Saliste de casa
frescu y colorau,
non vólvias á ella
flacu y revalgau.

El que tien la muyer guapa
cabo cas de los señores,
tien más trabayu con ella
qu´en cabar y fer borrones.

El que non tien gües ni carru
nin tampoco tien muyer,
nin unce cuando i da gana
nin se fuelga cuando quier.

Ay! Maruxina 

tu fusti a los figos, 

fusti muy tardi 

y ya´staben coidos. 

Ay! Maruxina 

tu fusti á los prunos, 

fusti tempranu, 

ño estaben maduros. 

Ay! Maruxina 

del pie delicau, 

¿quién te mandó 

reblincar en mió prau?

(" Cantares")

("Poesías selectas en dialecto asturiano" . Ed. de Fermín Canella Secades. Imp. de Vicente Brid. Oviedo, 1887)

Fotografías: Felipeángel (c): "Playa de San Lorenzo". Gijón. Domingo, 22 de septiembre de 2013.